पन्जाब प्रान्तमा आम आदमी पार्टीले अप्रत्यासित सफलता प्राप्त गर्ने देखिएको छ। मतगणनाकाे सुरुवाती रुझानमा आम आदमी पार्टी विजयउन्मुख देखिएको छ। त्यस्तै, कंग्रेसले पार्टीले केवल १४ सिटमा अग्रता कायम गरेकाे छ ।
११७ सिट भएको पन्जाबमा आम आदमी ९१ सिटमा अगाडि देखिएको भारतीय समाचार संस्था एनडिटिभीले जनाएको छ ।
पन्जाबमा आम आदमी पार्टीकाे उदयले देशकै सबैभन्दा पुरानो पार्टी कंग्रेसलाई ठूलो धक्का लागेको छ । पन्जाबमा आम आदमीकाे विजय निश्चत भएसँगै अरविन्द केजरीवालका लागि दिल्लीबाहिर पहिलो ठूलो सफलता हुनेछ ।
पन्जाबमा आम आदमी पार्टीले भागवन्त सिंह मनलाई मुख्यमन्त्रीको उम्मेदवार बनाएको छ । ४८ वर्षीय मन सन् २०१४ मा आम आदमी पार्टीमा प्रवेश गरेका थिए ।
सन् २०१९ को निर्वाचनमा पन्जाबबाट लोकसभा चुनाव जित्ने आम आदमी पार्टीका एक मात्र उम्मेदवार हुन् ।
बिहीबार पाँच वटा राज्यमा विधानसभा चुनावको मतगणना जारी छ । उत्तर प्रदेश, उत्तराखण्ड, पन्जाब, गोवा र मणिपुरमा मतगणना भइरहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
