नेकपा एमालेका पूर्वउपमहासचिव घनश्याम भुसाल शुक्रबार नेकपा एकीकृत समाजवादी पार्टीमा प्रवेश गर्ने भएका छन् ।
शुक्रबार बानेश्वरको एक होटलमा पत्रकार सम्मेलन गरेर भुसाल एकीकृत समाजवादीमा प्रवेश गर्न लागेकाे उनको सचिवालयले जनाएको छ ।
गत मंसिर ४ मा सम्पन्न चुनावमा एमालेले टिकट नदिएपछि भुसालले एमाले छाडेर तत्कालीन सत्तागठबन्धनकाे समर्थनमा रुपन्देहीबाट उम्मेदवारी दिएका थिए । साे चुनावमा उनी एमालेका छविलाल विश्वकर्मासँग पराजित भएका थिए ।
एकीकृत समाजवादीले भुसाललाई भोलि नै सचिवालय सदस्यमा मनोनयन गर्ने तयारी गरेको छ । भुसालले एकीकृत समाजवादीमा रहेर ठूला पार्टीलाई एक बनाउन पहल गर्ने दाबी गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।