नेकपा एमाले त्यागेका घनश्याम भुसाल आज नेकपा एकीकृत समाजवादीमा प्रवेश गर्दैछन् । उनी दिउँसो २ बजे नयाँ बानेश्वरस्थित अर्याल होटलमा आयोजित कार्यक्रममा एकीकृत समाजवादीमा प्रवेश गर्ने भएका हुन् ।
भुसाललाई पार्टी अध्यक्ष माधवकुमार नेपालले स्वागत गर्ने कार्यक्रम छ । उनलाई कुन जिम्मेवारी दिने एकीकृत समाजवादीले खुलाएको छैन । भुसाल ४ मंसिरको निर्वाचनअघि एमाले छाडेका थिए ।
उनले रूपन्देही–१ बाट स्वतन्त्र रूपमा चुनावमा प्रतिस्पर्धा गरेका थिए । तत्कालीन सत्ता गठबन्धनले समर्थन गरे पनि भुसाल एमाले उम्मेदवार छविलाल विश्वकर्मासँग पराजित भएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
