नेपाली कांग्रेसका सांसद रामहरी खतिवडाले सभामुखको निर्वाचन प्रक्रियामा हत्या अभियोग लागेका सांसद लक्ष्मी महतो कोइरीले मतदान गर्न नपाउने व्यवस्था गर्न माग गरेका छन् ।
आजको प्रतिनिधि सभा बैठकमा बोल्दै उनले हत्या अभियोग लागेका सांसदलाई सभामुखको निर्वाचन प्रक्रियामा भाग लिन पाउने/नपाउने निर्क्योल गर्न माग गरेका हुन् ।
‘अहिले सभामुखको निर्वाचन हुँदैछ । आज सभामुखको निर्वाचन हुने बेलामा हत्या अभियोग लागेका सांसदहरू पनि यहीँभित्र छन् भन्ने सुनिन आएको छ । म गृहमन्त्रीज्यूलाई अनुरोध गर्न चाहन्छु, हामी चिन्दैनौँ उहाँलाई । यदि उपस्थित हुनुहुन्छ भने उहाँलाई मतदान प्रक्रियामा भाग लिन पाउने/नपाउने निर्क्योल गरेर मात्रै सभा सञ्चालन गरियोस् भन्ने माग गर्न चाहन्छु,’ खतिवडाले भने ।
संसद्मा आज सभामुख चयन गर्ने कार्यतालिका रहेको छ । सभामुखका लागि एमालेबाट देवराज घिमिरे र कांग्रेसबाट ईश्वरीदेवी न्यौपाने उम्मेदवार छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।