सर्वोच्च अदालतले रवि लामिछानेले प्रयोग गरिरहेको नेपाली नागरिकता अवैध भएको ठहर गर्दै उनका सांसद, मन्त्री, संसदीय दलको नेता तथा पार्टी सभापति सबै पद खारेज गरिदिए पछि उनको पक्षमा प्रदर्शन भएको छ ।
काठमाडौंमा शनिबार उनीमाथि अन्याय भएको भन्दै केही प्रदर्शनकारी सडकमा उत्रिएका हुन् ।
माइतीघरमा भेला भएका प्रदर्शनकारीले रवि लामिछानेको पक्षमा नारा लगाएका छन् ।
उनीहरुले देश बनाउने अभियानमा रवि लामिछाने लागेको र त्यसका कारण उनलाई फसाइएको आरोप लगाएका थिए ।
सर्वोच्च अदालतको संवैधानिक इजलासले भने लामिछानेले अमेरिकी नागरिकता त्याग गरे पनि नेपाली नागरिकता पुनःप्राप्तिका लागि कुनै कदम नचालेको भन्दै उनले अमेरिकी नागरिकता लिनुभन्दा पहिलेको नागरिकता अवैध भएको ठहर गरेको हो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
