नेकपा एमालेनिकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को नेतृत्वका लागि आज निर्वाचन हुँदैछ ।
अनेरास्ववियुको नयाँ अध्यक्षका लागि वरिष्ठ उपाध्यक्ष आरसी लामिछाने, महासचिव समिक बडाल, उपाध्यक्ष मोती विक, लोकेश निरौला र वाङ्छु योन्जनको उम्मेदवारी परेको छ ।
अध्यक्ष मण्डलका सदस्य खिमलाल भट्टराईका अनुसार आज बिहान ८ बजेबाट मतदान हुँदैछ ।
बडाल नेतृत्वको पूर्वकमिटी भंग गरेर एमाले नेता भानुभक्त ढकालको नेतृत्वमा अध्यक्ष मण्डल गठन गरेको थियो, जसले बन्दसत्र र निर्वाचनको प्रक्रिया सम्पन्न गरेर नयाँ नेतृत्वको घोषणा गर्नेछ ।
महाधिवेशनले १९९ सदस्यीय केन्द्रीय कमिटी चयन गर्ने अध्यक्ष मण्डल सदस्य तथा निवर्तमान अध्यक्ष सुनिता बरालले जानकारी दिइन् । जसअनुसार उपाध्यक्ष चारजना र सचिव १० जना चयन हुनेछन् ।
जारी महाधिवेशनले १५/१५ सदस्यीय तीनवटा आयोग पनि गठन गर्नेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
