दाङमा एसइई दिने छात्रालाई बलात्कार गरेर शिक्षक फरार भएको प्रहरीले जानकारी दिएको छ ।
शान्तिनगर गाउँपालिका–७ धनौरीमा रहेको शिवशक्ति माध्यमिक विद्यालयका शिक्षक ३५ वर्षका खुमानन्द पौडेलमाथि बलात्कारको आरोप लागेकाे हाे ।
छात्रालाई बलात्कार गरेर पौडेल भागेको इलाका प्रहरी कार्यालय तुलसीपुरका प्रहरी निरीक्षक पर्वत केसीले जानकारी दिए ।
आरोपित शिक्षकले सोमबार राति विद्यालयमा होस्टेल बसेकी १६ वर्षकी छात्रालाई बोलाएर बलात्कार गरेकाे घटना सार्वजनिक भएको हाे ।
शिक्षक पौडेलका विरुद्ध इलाका प्रहरी कार्यालय तुलसीपुरमा किटानी जाहेरी परेपछि प्रहरीले खोजी कार्य तीव्र पारेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
