नेपाल प्रहरीले नक्कली भुटानी शरणार्थी प्रकरण अनुसन्धानका क्रममा भुटानी शरणार्थी नेता टेकनाथ रिजाललाई पक्राउ गरेकाे छ ।
रिजाललाई बिहीबार झापाबाट काठमाडौं ल्याइएको जिल्ला प्रहरी परिसर काठमाडौंका एसएसपी दानबहादुर कार्कीले जानकारी दिए ।
रिजालले पुनर्बासमा छुटेका छ हजारभन्दा बढी भुटानी शरणार्थीको समस्या समाधानका लागि माग गरेका थिए । साेही आधारमा गृह मन्त्रालयले भुटानी शरणार्थी समस्या समाधानका लागि ३० जेठ २०७६ मा बालकृष्ण पन्थीकाे नेतृत्वमा कार्यदल गठन गरेको थियो ।
नक्कली भुटानी शरणार्थी प्रकरणमा पक्राउ परेका सानु भण्डारीले रिजाललाई सात लाख रुपैयाँ दिएको दाबी गरेका थिए । साेही आधारमा प्रहरीले अनुसन्धानका लागि रिजाललाई पक्राउ गरेको हाे ।
यता, रिजालले भने आफूले अर्कै कामका लागि पैसा लिएको र फिर्ता पनि गरिसकेको दाबी गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
