श्री एयरलाइन्सले आज उडान नगर्ने भएको छ । शनिबार प्रेस विज्ञप्ति जारी गर्दै एयरलाइन्सले आइतबारका सबै उडान स्थगित गरेको जनाएको हो ।
एयरलाइन्सका कर्पोरेट प्रबन्धक अनिल मानन्धरका अनुसार उडान स्थगित गरी आइतबार कम्पनीका सबै विमानको प्राविधिक परीक्षण गर्ने निर्णय भएको छ ।
सोमबारदेखि भने सबै उडान नियमित हुने विज्ञप्तिमा उल्लेख गरिएको छ ।
शनिबार ३ः३० बजे काठमाडौंबाट धनगढीका लागि उडेको विमानमा प्राविधिक समस्या आएर पुनः काठमाडौं नै फिर्ता ल्याई अवतरण गरिएको थियो ।
त्यसपछि एयरलाइन्सले आइतबार आफ्ना सबै विमानको प्राविधिक परीक्षण गर्ने निर्णय गरेको हो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
