विवेकशील साझा पार्टीले प्रकाशन गरेको सांस्कृतिक नक्सा सभामुख देवराज घिमिरेलाई हस्तान्तरण गरिएको छ । सिंहदरबारस्थित सभामुखको कार्यकक्षमा सो पार्टीले सांस्कृति नक्सा हस्तान्तरण गरेको हो ।
अध्यक्ष समीक्षा बाँस्कोटा, उपाध्यक्ष प्रकाशचन्द्र परियार, प्रवक्ता आशुतोष प्रधान, केन्द्रीय सदस्यहरु नवराज थापा, सुरज प्रधान, मिलन परियार, निरञ्जन चापागाईं, चन्द्र श्रेष्ठ सम्मिलित टोलीले सभामुख घिमिरेलाई नक्सा हस्तान्तरण गरेको हो ।
नेपाल र भारतबीचको सुगौली सन्धि अगाडिको भू–भाग र वर्तमान भू–भागमा रहेका सांस्कृतिक, धार्मिक, पुरातात्विक र प्राकृतिक धरोहरलाई समेटेर निर्माण गरिएको मानचित्रमा सगरमाथादेखि बौद्ध स्तूपसम्म, पशुपतिनाथदेखि काँक्रेविहारसम्मका पुरातात्विक महत्वका सम्पदा समेटिएका छन् ।
विवेकशील साझा पार्टीले सरकारले निर्वाह गर्नुपर्ने दायित्व स्मरण गराउँदै नेपालको सांस्कृतिक मानचित्र सार्वजनिक गरेर सरोकारवालाहरुलाई स्मरण गराउने अभियान चलाइरहेको उपाध्यक्ष प्रकाशचन्द्र परियारले जानकारी दिए।
विवेकशील साझा पार्टीले यस अघि उपराष्ट्रपतिलाई मानचित्र हस्तान्तरण गरेको थियो।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।