नेपाली कांग्रेसका केन्द्रीय सदस्य रामहरि खतिवडाले गठबन्धनको नेतृत्व गर्नेहरूले जुन प्रकारको आशा जनताबीच पस्कनुपर्ने हो त्यो गर्न नसकेको बताए ।
सोमबार नेपाली कांग्रेसको केन्द्रीय कार्यसमितिको बैठकमा उनले कांग्रेसले जुन आशा जगाउनुपर्ने हो सरकारमा गएर पनि त्यो आशा जगाउन नसकेको अवस्था आएको बताए ।
उनले भने, ‘केन्द्रीय कार्यसमितिको बैठकलाई बिरालो बानेर श्राद्ध गर्ने परम्परामा मात्र सीमित गर्नु हुँदैन । आज देशको अर्थतन्त्र निकै कमजोर छ । हामीले जुन आशा जगाउनुपर्ने हो, सरकारमा गएर पनि त्यो आशा जगाउन नसकेको अवस्था छ । नयाँ कार्य गरेर हामी अगाडि बढ्न सकेका छैनौँ । गठबन्धनको नेतृत्व गर्नेहरूले जुन प्रकारको आशा जनताबीचमा पस्कनुपर्ने हो त्यो हुन सकेको छैन ।’
उनले युवाहरू पलायन बढ्दै गएको र बाउआमाको लास पर्दा दुई दिन पर्खिनुपर्ने अवस्था देशमा सिर्जना भएको बताए । पार्टीकै नेताहरूलाई खुइल्याउन थाल्यो भने आफैँ खुइलेको थाहा नहुने उनको भनाइ छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
