सडक व्यवसायीकाे उचित व्यवस्थापनकाे माग गर्दै केही दिनयता 'सौम्य विद्रोह' गर्दै आएका अभियन्ता ईः (इसान श्रेष्ठ) सँग काठमाडौं महानगरपालिकाले वार्ता सुरु गरेकाे छ।
महानगरले बनाएको वार्ता टोली र ईःका प्रतिनिधिबीच मंगलबार दिउँसो राष्ट्रिय सभागृहमा वार्ता भएकाे हाे । भित्र वार्ता चलिरहँदा राष्ट्रिय सभागृहबाहिर भने सडक व्यवसायी ऐक्यबद्धता जनाउन आएका छन्।
वार्तामा महानगरबाट प्रवक्ता नवीन मानन्धर, कानुन न्याय तथा मानव अधिकार विभागका प्रमुख वसन्त आचार्य र मेयर बालेन शाहको सचिवालयबाट कुमार बेन, २२ का वडाध्यक्ष चिनीकाजी महर्जनलगायत टोली र ईःका तर्फबाट प्रतिनिधि गोविन्द नारायणलगायत सहभागी छन्।
यसअघि काठमाडाैंकी उपमेयर सुनीता डंगोलले मंगलबार बिहान ईःलगायत अभियन्तासँग भेटेकी थिइन्। ईःलगायत अभियन्ताले काठमाडौं महानगरपालिकाका मेयर बालेन शाह र उपमेयर सुनीता डंगोललाई चुनावी बाचापत्र सम्झाउन 'सौम्य विद्रोह' गरेका हुन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
