काठमाडौं महानगरपालिकाले सामुदायिक कुकुर र बिरालोको संख्या सीमित गरेर भएकालाई बस्न र बाँच्न उचित वातावरण तयार पार्ने कार्यक्रम सञ्चालन गर्ने भएको छ ।
मंगलबार सामाजिक सञ्जालमार्फत काठमाडौं महानगरपालिकाको प्रमुख बालेन शाहले चुनाव बेला घरदैलो गर्दा होस वा कलसेन्टरमा गुनासो काठमाडौंको मुख्य समस्यामध्ये कुकुर व्यवस्थापन पनि रहेको बताएका हुन् ।
उनले लेखेका छन्, ‘चुनावका बेला घरदैलो गर्दा होस् वा कलसेन्टरमा गुनासो काठमाडौंको मुख्य समस्यामध्ये कुकुर व्यवस्थापन पनि रहेछ ।’
उनले आजैबाट महानगरपालिकाका ९ वटा वडा (४, ७, ९, ११, १४, १५, २५, ३१ र ३२) बाट एकैसाथ बन्ध्याकरण र खोपका कार्यक्रम चलाउने भएको पनि जनाएका छन् ।
आउँदो ३ महिनाभित्र ५ हजार ८ सयको बन्ध्याकरण र १६ हजारलाई रेबिजविरुद्धको खोप दिने र ९ वडा हुँदै आफूहरू ३२ वडासम्म पुग्ने लक्ष रहेको उनको भनाइ छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
