इजरायली सेनाले हमासविरुद्धको आक्रमण सशक्त हुने चेतावनी दिएको छ । इजरायली सेनाका प्रवक्ता लेफ्टिनेन्ट कर्नल जोनाथन कन्रिकसले भिडियो वक्तव्यमार्फत यस्तो चेतावनी दिएका हुन् ।
उनले भनेका छन्, ‘हामीले ठूलो क्षति बेहोर्नुपरेको छ, तर यसले हामीलाई रोक्न सक्दैन र यसले हाम्रो संकल्पलाई कमजोर बनाउँदैन।’
गाजामा लडाइँ तीव्र हुने चेतावनी दिँदै उनले भनेका छन्, ‘यो लडाइँ जारी रहनेछ र गाजापट्टीका दृश्यहरू हेर्न धेरै गाह्रो हुनेछ।’
इजरायली सेनाले मंगलबार राति गाजाका २०० वटा लक्ष्यमा आक्रमण गरेको जनाएको छ । गएराति इजरायली आक्रमणमा कम्तीमा ३० जनाको मृत्यु भएको हमासका प्रवक्ताले बताएका छन् ।
हालसम्म इजरायलमा १२ सय र गाजामा नौ सयको ज्यान गएको छ । गाजामा कुनै पनि ठाउँ सुरक्षित नरहेको बताइएको छ ।
मानवअधिकारकर्मीहरूले पनि गाजामा यस्तो तीव्र आक्रमण धेरै वर्षदेखि नदेखिएको बताएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
