नेकपा माओवादी छाडेर एमालेका उपाध्यक्ष बनेका पूर्वगृहमन्त्री रामबहादुर थापा ‘बादल’ले प्रधानमन्त्री पुष्पकमल दाहाललाई दक्षिणपन्थी अवसरवादीको संज्ञा दिएका छन् ।
पोखरामा आयोजित पार्टीको गण्डकी प्रदेशको शपथ ग्रहण कार्यक्रममा सम्बोधन गर्दै उनले यस्तो बताएका हुन् ।
प्रचण्डसँगै माधव नेपाल र वामदेव गौतममा पनि दक्षिणपन्थी अवसरवाद देखापरेको भन्दै बादलले उनीहरुलाई जनताको अगाडि नंग्याउनुपर्ने टिप्पणी गरे ।
,‘प्रचण्ड, माधव नेपालहरुमा अराजकतावादी प्रवृत्ति देखापर्यो,’ उनले भने, ‘जनताको अगाडि उनीहरूलाई नंग्याउने र भण्डाफोर गरेर एमालेको झण्डामुनि राख्न जरुरी छ ।’
अन्यथा मिसन २०८४ सफल नहुने उनले बताए । मिसन २०८४ समाजवादी आन्दोलनलाई निष्कर्षमा पुर्याउने वर्ष भएको उनको दाबी छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।