स्पेनिस फुटबल क्लब रियल मड्रिड लालिगाको शीर्ष स्थानमा उक्लिएको छ । शनिबार राति भएको खेलमा लास पालमसलाई २–१ गोल अन्तरले हराउँदै रियल तालिकाको शीर्ष स्थानमा उक्लिएको हो ।
रियलको २१ खेलबाट ५४ अंक भएको छ भने दोस्रो स्थानमा झरेको जिरोनाको समान खेलबाट ५२ अंक रहेको छ । लास पालमसले आफ्नै मैदानमा सुरुआती अग्रता लिएको थियो । तर, अग्रता जोगाउन नसक्दा नतिजा रियललाई सुम्पन पुग्यो ।
जेभियर मुनोज जिमेनेजले गोल गर्दै ५३ औं मिनेटमा अग्रता दिलाएका थिए । ६५ औं मिनेटमा रियलका भिनिसियस जुनिएरले गोल गर्दै रियललाई बराबरीमा ल्याए ।
८४ औं मिनेटमा ओरेलिन चुवामानीले गोल गर्दै रियललाई २–१ को जित पक्का गराए । रियलसँग पराजित भएको लास पालमस भने तालिकाको नवौँ स्थानमा रहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
