काठमाडौं जिल्ला अदालतले अध्यागमन अधिकृत नरवीर खड्कासहित चारजनालाई थुनामा पठाउन आदेश दिएको छ ।
फर्जी कागजात बनाएर भिजिट भिसामा विदेश पठाएको आरोपमा पक्राउ परेका अधिकृत खड्का, मनोज तामाङ लामा, सरोज कुमार यादव र अरुण दाहाललाई थुनामा पठाउन आदेश दिएको हो ।
अदालतका न्यायाधीश कपिलमणि गौतमले मंगलबार थुनछेक बहसपछि उनिहरुलाई थुनामा पठाउन आदेश दिएका हुन् । लामा र यादव ट्राभल सञ्चालक हुन् भने दाहाल बिचौलिया हुन्।
अन्य सातजना भने धरौटीमा रिहा हुने भएका छन् । अदालतले गिरोहमा संलग्न गीता शाहसँग ५ लाख, पदम लामासँग १ लाख, विनोद कार्कीसँग २ लाख, राम प्रसाद भण्डारीसँग ७ लाख, रविन अर्यालसँग १ लाख र दिनेश ज्ञवालीसँग ७ लाख धरौटी माग गरेको हो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
