क्यानडाविरुद्धको एकदिवसीय सिरिजको पहिलो खेलमा नेपालले दोस्रो विकेट गुमाएको छ । नेपालले दोस्रो विकेटको रूपमा कप्तान रोहितकुमार पौडेललाई गुमाएको हो ।
उनी १४.३ ओभरमा व्यक्तिगत ८ रनमा आउट भए । नेपालले पहिलो विकेटको रूपमा आसिफ शेखलाई ९.१ ओभरमा व्यक्तिगत ८ रनमै आउट गुमायो ।
उनलाई उदय भगवानले ८ रनमा क्याच आउट गराए । अर्का ओपनिङ ब्याटर कुशल भुर्तेलले भने अर्धशतक पूरा गरेका छन् । उनले ४४ बलमा आठ चौका र एक छक्काको मद्दतमा अर्धशतक पूरा गरे । एकदिवसीय करियरमा भुर्तेलको यो सातौं अर्धशतक हो ।
कीर्तिपुरस्थित त्रिवि मैदानमा जारी खेलमा नेपालले आज टस जितेर पहिला ब्याटिङ गरिरहेको हो । नेपालले आज दुई खेलाडीलाई डेब्यूको मौका दिएको छ । नेपालले क्यानडाविरुद्ध सूर्य तामाङ र रिजन ढकाललाई डेब्यूको मौका दिएको हो । यी दुवै खेलाडीले हालै सकिएको प्रधानमन्त्री कपमा उत्कृष्ट प्रदर्शन गरेका थिए ।
बायाँ हाते स्पिनर सूर्यले ९ खेलमा ३० विकेट तथा बायाँ हाते तीव्र गतिका बलर रिजनले ९ खेलमा १५ विकेट लिएका थिए । उनीहरू दुवैले बागमती प्रदेशको टिमबाट पिएम कप खेलेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
