यमनको हुथी समूहले अडेनको खाडीमा दुईवटा अमेरिकी जहाजमा आक्रमण गरेको छ । समूहको स्याटेलाइट टिभी च्यानल अल–मासिराहद्वारा प्रशारित टेलिभिजन बयानमा हुथी सैन्य प्रवक्ता याह्या सारियाले अमेरिकी जहाज सी च्याम्पियन र नाभिस फोर्टुनाविरुद्धको आक्रमण रहेको बताएका छन् ।
सारियाकाअनुसार आक्रमणले विगत २४ घण्टामा हुथी अपरेसनको कुल संख्या चार पुगेको छ । पहिलोले बेलायती जहाजलाई निशाना बनाएको थियो । जसको परिणामस्वरूप जहाज पूर्णरूपमा डुबेको थियो ।
हमासमाथि इजरायली आक्रमण र गाजा स्ट्रिपमा प्यालेस्टाइनी जनतामाथिको घेराबन्दी नहटाइएसम्म लाल सागर र अरब सागरमा कारबाही जारी रहने हुथी सैन्य प्रवक्ता सारियाले जनाएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
