काठमाडौं– स्पेनिस ला लिगाअन्तर्गत बुधबार रातीको खेलमा भ्यालेन्सियाले रियल मड्रिडलाई २–१ ले पराजित गरेको छ । भ्यालेन्सियाको जितमा गोन्कालो गुइडेस र इजेक्यल ग्यारेयले गोल गरे । रियलका लागि करिम बेन्जिमाले गोल फर्काए ।
जिनेदिन जिदानले पुनः क्लब सम्हालेपछि रियल मड्रिडको यो पहिलो हार हो ।
खेलको ३५औं मिनेटमा गुइडेसले गोल गर्दै भ्यालेन्सियालाई अग्रता दिलाएका थिए । पहिलो हाफमा थप गोल भएन ।
८३औं मिनेटमा ग्यारेयले गोल गर्दै भ्यालेन्सियाको अग्रता दोब्बर गरे । अतिरिक्त समयमा रियलका बेन्जिमाले गोल फर्काएपछि खेल २–१ मा टुंगियो ।
लगातार खराब नतिजा आएपछि रियलले सान्टिएगो सोलरीलाई बर्खास्त गर्दै केही समयअघि क्लब छोडेका जिनेदिन जिदानलाई पुनः मुख्य प्रशिक्षकका रुपमा भित्र्याएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
