ओमानमा जारी एसिसी प्रिमियर कप टी–२० प्रतियोगितामा मलेसियाविरुद्ध नेपाललाई तेस्रो सफलता मिलेको छ । नेपाललाई तेस्रो सफलता अलराउन्डर दीपेन्द्र सिंह ऐरीले दिलाए ।
उनले १८औँ ओभरको अन्तिम बलमा सैयद अजिजलाई ६ रनमा क्याच आउट गराए । नेपाललाई दोस्रो सफलता तीव्र गतिका बलर अविनाश बोहराले दिलाए । उनले १६.१ ओभरमा शर्विन मुनिन्दीलाई ४१ रनमा बोल्ड गरे ।
नेपाललाई पहिलो सफलता दीपेन्द्र सिंह ऐरीले दिलाए । उनले ५.१ ओभरमा मोहम्मद आमिरलाई १६ रनमा आउट गर्दै नेपाललाई पहिलो सफलता दिलाएका हुन् । नेपालले मलेसियाविरुद्ध टस हारेर बलिङको निम्तो पाएको हो ।
हालसम्म नेपाल र मलेसियाले ९ टी–२० आई खेलमा एकअर्काको सामना गरेका छन्, जसमध्ये नेपालले ८ तथा मलेसियाले एक खेल जितेको रेकर्ड छ ।
आइसिसी टी–२० वरियताको कुरा गर्दा हाल नेपाल १७औँ र मलेसिया २५औँ स्थानमा छ । प्रिमियर कपअन्तर्गत आजै भएको पहिलो खेलमा ओमानले बहराइनलाई तीन रन तथा दोस्रो खेलमा यूएईले कुवेतलाई सात विकेटले हरायो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।