इलाम-२ को उपनिर्वाचनको मतगणनामा नेपाली कांग्रेसका उम्मेदवार डम्बरबहादुर खड्काको अग्रता कायमै छ । नेकपा एमालेका उम्मेदवार सुहाङ नेम्वाङले उनीबीचको मतान्तर घटाउँदै छन् ।
फाकफोकथुम गाउँपालिका १, २ र ३ वडाको ४ हजार १८१ मत गणना हुँदा कांग्रेसका खड्काले १ हजार ६४३ मत पाएका छन् भने एमालेका नेम्वाङले १ हजार ६०१ मत पाएका छन् ।
नेम्वाङ र खड्काबीचको मतान्तर ४२ मत रहेको छ । तेस्रो स्थानमा स्वतन्त्र उम्मेदवार डकेन्द्र थेगिमले ४३७ मत पाएका छन् ।
चौथो स्थानमा रहेका राष्ट्रिय स्वतन्त्र पार्टीका उम्मेदवार मिलन लिम्बुले ३०५ मत पाएका छन् । मत गणना जारी छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
