सहिद स्मारक ‘सी’ डिभिजन लिगको आइतबार भएको खेलमा चर्च ब्वाइज युनाइटेड र खालीबारी युथ क्लबले सुखद सुरुवात गरेका छन् ।
सातदोबाटोस्थित एन्फा कम्प्लेक्समा भएको दोस्रो खेलमा चर्च ब्वाइजले ओसिस क्लबमाथि ४–१ को सहज जित निकाल्दै सुखद सुरुवात गरेको हो ।
चर्च ब्वाइजको जितमा सुवम थापाले २, सनम भुजेल र कुवेर न्यौपानेले १–१ गोल गरे । ओसिसले भने एक गोल उपहारमा पायो ।
खेलको २९ औं मिनेटमा सनमले गोल गर्दै चर्च ब्वाइजलाई अग्रता दिलाए । ४१ औं मिनेटमा आत्मघाती गोल हुँदा ओसिस खेलमा फर्कियो ।
ओसिसका खेलाडीको प्रहार रोक्ने प्रयास गर्दा चर्चा ब्वाइजका खेलाडीले आफ्नै पोस्टमा गोल गर्न पुगे ।
५९ औं मिनेटमा सुवमले गोल गर्दै चर्च ब्वाइजलाई पुनः अग्रता दिलाए । ९० औं मिनेटमा कुवेर र थप गरिएको समयमा सुवमले गोल गर्दै क्लबको जित पक्का गरे ।
जितसँगै चर्च ब्वाइजले ३ अंक जोड्दा ओसिसले हारबाट प्रतियोगिताको सुरुवात गरेको छ ।
आजै भएको पहिलो खेलमा खालीबारी युथ क्लबले झापा एफसीमाथि २–१ को रोमाञ्चक जित निकाल्दै सुखद सुरुवात गरेको हो ।
खालीबारीको जितमा विपिन कँडेल र सुदीप केसीले १–१ गोल गर्दा झापाका सरोज कार्कीले एक गोल फर्काए ।
जितसँगै खालीबारीले ३ अंक जोड्दा झापाले हारबाट प्रतियोगिताको सुरुवात गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
