पूर्व प्रधानमन्त्री तथा जनता समाजवादी पार्टी नेपाल (जसपा)का संघीय परिषद् अध्यक्ष डा. बाबुराम भट्टराईले प्रधानमन्त्री केपी शर्मा ओलीलाई छिटो बिदा गर्न चुक्ने हो भने इतिहासले आफूहरुलाई माफ नगर्ने बताएका छन् । 

डा. भट्टराईले सामाजिक सञ्जालमार्फत लोकतन्त्र र संविधानको रक्षा गर्न चुक्दै ओलीलाई बिदा नगरेको अवस्थामा आफूहरुलाई इतिहासले कहिल्यै माफ नगर्ने बताए । उनले ओलीबाट लोकतन्त्र र संविधानको रक्षा हुन नसक्ने निष्कर्ष निकालेका छन् । 

प्रधानमन्त्री ओली राज्यका सबै अंग र साधनस्रोत कब्जा गर्ने अनि चुनाव गराउने लक्ष्यसहित अगाडि बढेको डा. भट्टराईको आरोप छ । ओलीले सद्दाम हुसेन, पर्वेज मुसर्रफ, हुन सेन स्टाइलको चुनाव गराएर आफू चक्रवर्ती बादशाह बनिरहने सपना देखेको पनि उनले आरोप लगाए । 

डा. भट्टराईले प्रधानमन्त्री ओली चुनाव गराएर आफू चक्रवर्ती बादशाह बनिरहने सपनाबाट पछि हट्ने सम्भावना नरहेको भन्दै अब आफूहरुले बिदा गर्नुपर्ने बताए । उनले ओलीलाई हटाउन नसके इतिहासले माफ नगर्ने उल्लेख गरेका छन् । 

डा. भट्टराईले लेखेका छन्, 'राज्यका सबै अंग र साधनस्रोत कब्जा गर्ने अनि सद्दाम हुसेन, पर्वेज मुसर्रफ, हुन सेन स्टाइलको चुनाव गराएर आफू चक्रवर्ती बादशाह बनिरहने सपनाबाट ओली पछि हट्ने कुनै छाँटकाँट नदेख्दा पनि उनलाई छिटो बिदा गर्न र लोकतन्त्र÷संविधानको रक्षा गर्न चुक्यौँ भने हामी कसैलाई इतिहासले माफ गर्नेछैन है !'

राज्यका सबै अंग र साधनश्रोत कब्जा गर्ने अनि सद्दाम हुसेन,पर्वेज मुसर्रफ,हुन सेन स्टाइलको चुनाव गराएर आफु चक्रवर्ती बादशाह बनिरहने सपनाबाट ओली पछिहट्ने कुनै छॅाटकॅाट नदेख्दा पनि उनलाई छिटो विदा गर्न र लोकतन्त्र/संविधानको रक्षा गर्न चुक्यौं भने हामी कसैलाई इतिहासले माफ गर्नेछैन है!

— Baburam Bhattarai (@brb1954) March 17, 2021