आइपिएल टिम दिल्ली क्यापिटल्सले नयाँ कप्तान तोकेको छ । इन्डियन प्रिमियर लिग (आइपिएल) १४औँ संस्करणमा दिल्ली क्यापिटल्सको कप्तानी विकेटकिपर ब्याट्सम्यान ऋषभ पन्तले गर्ने भएका छन् ।
नियमित कप्तान श्रेयस ऐयरले चोटका कारण आइपिएल गुमाउने भएपछि दिल्लीले उपकप्तान ऋषभ पन्तलाई कप्तानको जिम्मेवारी दिएको छ । पन्त दिल्लीको १३औँ कप्तान बन्ने भएका छन् ।
दिल्लीको कप्तानको दाबेदारमा पन्तसँगै अष्ट्रेलिया पूर्वकप्तान स्टिभ स्मिथ, भारतीय ब्याट्सम्यान अजिन्क्या रहाने, शिखर धवन र रविचन्द्रन आश्विन थिए ।
यस वर्षको आइपिएल अप्रिल ९ देखि सुरु हुँदै छ । आइपिएलमा दिल्लीले पहिलो खेल अप्रिल १० मा चेन्नई सुपर किंग्ससँग खेल्दै सुरुवात गर्ने छ ।
ऐयरको कप्तानीमा दिल्लीले सन् २०२० मा पहिलो पटक आइपिएलको फाइनलमा स्थान बनाउँदै इतिहास रचेको थियो । श्रेयसले आफ्नो कप्तानीमा २०१९ मा प्ले अफ सम्म पुर्याएका थिए । यस सिजनको आइपिएलमा दिल्ली उपाधिको प्रमुख दाबेदार टोली मध्य एक पर्दछ ।
गत मंगलबार इङ्ल्याण्डविरुद्ध पहिलो ओडिआई खेलमा फिल्डिङको क्रममा ऐयरको बायाँ हातको काँधमा चोट लागेको थियो । तीव्र गतिका बलर शार्दूल ठाकुरको आठौं ओभरको चौथो बलमा जोनी बेयरस्टोले प्रहार गरेको शट कभरमा रोक्ने क्रममा डाइभ मार्ने क्रममा ऐरको बायाँ काँधमा चोट लागेको थियो ।
🚨 ANNOUNCEMENT 🚨
— Delhi Capitals (@DelhiCapitals) March 30, 2021
Rishabh Pant will be our Captain for #IPL2021 ✨@ShreyasIyer15 has been ruled out of the upcoming season following his injury in the #INDvENG series and @RishabhPant17 will lead the team in his absence 🧢#YehHaiNayiDilli
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
