बाँकेमा थप पाँच जना कोरोना संक्रमितको मृत्यु भएको छ ।
बाँकेका विभिन्न अस्पतालमा उपचार गराइ रहेका पाँच जना संक्रमितको मृत्यु भएको जिल्ला कोभिड संकट व्यवस्थापन केन्द्रले बताएको छ ।
मृत्यु हुनेहरूमा बैतडीको पुर्चौडी नगरपालिका-८ का ५५ वर्षीय पुरुष, सल्यानको कालीमाटी गाउँपालिका-१ का ४६ वर्षीय पुरुष, बर्दियाको राजापुर नगरपालिका-१ की ४९ वर्षीया महिला, बाँकेको बैजनाथ गाउँपालिका-५ का ६७ वर्षीय पुरुष र दाङ लमही नगरपालिका-१ की ३२ वर्षीया महिला रहेका छन् ।
यससँगै बाँकेमा कोरोना संक्रमणबाट मर्नेहरूको संख्या ६६४ पुगेको छ । जसमध्ये जिल्लाका ३०७ र जिल्ला बाहिरका ३३७ जना रहेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।