नेकपा माओवादी केन्द्र छाडेर नेकपा एमालेमा प्रवेश गरेका प्रभु साहले एमालेको विधान महाधिवेशन बहिस्कार गरेका छन् । उनले एमालेको विधान महाधिवेशनमा आफ्ना मागहरू पूरा नभएको भन्दै बहिस्कार गरेका हुन् ।
यसअघि उनले एमाले तत्कालीन नेकपाकै निरन्तरताका रूपमा अगाडि बढाउनु पर्ने माग राखेका थिए ।
त्यसअघि उनले आफ्नो नेतृत्वमा आइटी आर्मी बनाएका थिए । यो आइटी आर्मीलाई पनि नेकपा एमालेले वैधानिकता दिनु पर्ने उनको माग थियो ।
तर, यसलाई नेकपा एमाले अध्यक्ष केपी शर्मा ओलीले सम्बोधन नगरेको आरोप उनले लगाएका छन् ।
आफ्ना माग पूरा नभएकाले विधान महाधिवेशनमा उनी सहभागी भएका छैनन् । यसअघि साहले छुट्टै पार्टी खोल्ने वा नयाँ अभियान सुरू गर्ने चर्चा भएको थियो । उनी महाधिवेशनमा सहभागी नभएपछि यो अड्कललाई थप बल पुगेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।