चिकित्सा शिक्षा सुधारक अभियन्ता प्रा.डा. गोविन्द केसीले प्रधानन्यायाधीश चोलेन्द्रशमशेर जबराको सम्पत्ति छानबिन गर्न माग गर्दै सम्पत्ति शुद्धीकरण विभागमा उजुरी दिएका छन् ।
प्रधानन्यायाधीश जबराको सम्पत्ति छानबिन माग गर्दै बृहत नागरिक आन्दोलनको तर्फबाट डा. केसीले विभागमा उजुरी दिएका हुन् ।
डा. केसीसहितका नागरिक अभियन्ताहरूले जबराको सम्पत्ति खोजबिन र अनुसन्धान गर्न माग गरेका हुन् । उजुरी लिएर विभागमा पुग्नेहरूमा डा. केसीसँगै नारायण वाग्ले, खगेन्द्र संग्रौला, मोहना अन्सारी र अधिवक्ता ओमप्रकाश अर्याल लगायत रहेका छन् ।
विभागमा दिएको उजुरीमा जबराले परिवारका अन्य सदस्यका नाममा लगानी गरेको र अवैध सम्पत्ति लुकाएको आरोप लगाएका छन् ।
जबराले आफू विशेष अदालतको न्यायाधीश हुँदा अवैध आर्जन गरेको करोडौं रुपैयाँ पत्नी रेजी राणा (क्षेत्री) मार्फत् २०६५ सालमा काठमाडौं महानगरपालिका-३० ठमेलमा ४० करोड बराबरको जग्गा किने उजुरीकर्ताको दाबी छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
