ब्राजिलको एक तालमा रहेको डुंगामाथि चट्टान खस्दा सात जनाको मृत्यु भएको छ ।
दुर्घटना ब्राजिलको दक्षिणपूर्वी इलाकामा भएको थियो । दुर्घटनामा तीन जना बेपत्ता भएका छन् भने ३२ जना घाइते भएका छन् ।
घटना स्थानीय समयअनुसार बिहान ११ बजे घटेको हो ।
मिनास गेराइस राज्यमा बितेको केही दिनदेखि वर्षा भइरहेकाले चट्टान खसेको हुनसक्ने अधिकारीहरूले बताएका छन् ।
गोताखोरे र हेलिकप्टरको माध्यमबाट हराएका मानिसको खोजी भइरहेको छ भने घाइतेहरूलाई अस्पताल पुर्याइएकाे छ ।
तालको आसपासका मानिसले डुंगामा सवार मानिसलाई सतर्कता अपनाउन आग्रह गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।