अधिकांश सरकारी कार्यालयमा हरेक आर्थिक वर्षमा ठूलो परिमाणमा बेरुजु देखिने परम्पराजस्तो बनिसकेको छ । तर, सरकारकै एक आयोगले भने लगातार तीन वर्षसम्म बेरुजुशून्यको परिणाम देखाएको छ ।
बेरुजु फर्छयोट अनुगमन समितिको प्रतिवेदन र महालेखा परीक्षकको लेखा परीक्षणअनुसार ०७५–०७६, ०७६–०७७ र ०७७–०७८ मा मधेसी आयोगको बेरुजु शून्य देखिएको हो ।
आयोगका अध्यक्ष डा.विजयकुमार दत्तले नियुक्त भएको दिन नै सचिव तथा अन्य कर्मचारीलाई आयोगको सम्पूर्ण गतिविधिलाई पारदर्शी बनाउन निर्देशन दिएका थिए ।
आर्थिक पारदर्शिता आफ्नो सदैव प्राथमिकतामा रहेको अध्यक्ष डा.दत्तले बताएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
