सिन्धुलीमा जन्ती बोकेको टिपर दुर्घटना हुँदा दुई जनाको मृत्यु भएको छ।
मृत्यु हुनेहरूमा उदयपुर कटारी नगरपालिकाका २४ वर्षीय अजय दनवार र १९ वर्षीय दिपेन्द्र कुँवर रहेका छन् ।
हिजाे राति दुधौली नगरपालिका-५ स्थित ठाकुरखोलाको तीन नम्बर पुलमा बाडेगाउँबाट बेहुली लिई उदयपुरको कटारी जाँदै गरेको ना ३ ख ७४९० नम्बरको टिपर दुर्घटना भएको थियाे ।
टिपरमा चालकसहित २८ जना सवार थिए । बेहुला-बेहुली भने अर्कै गाडीमा रहेकाे प्रहरीले जनाएकाे छ ।
दुर्घटनामा परी गम्भीर भएका ६ जनामध्ये दुईकाे उपचारकै क्रममा मृत्यु भएकाे हाे । प्रहरीका अनुसार बाँकी चार जनाकाे अवस्था अझै गम्भीर रहेकाे छ।
१० जना घाइतेकाे सामान्य उपचारपछि डिस्चार्ज भएकाे छ भने अन्यकाे विभिन्न स्थानका अस्पतालमा उपचार भइरहेकाे छ ।
प्रहरीले घटनाकाे बारेमा थप अनुसन्धान गरिरहेकाे छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
