इंग्लिस प्रिमियर लिगमा सर्वाधिक चासोको साथ हेरिएको लिभरपुल र म्यानचेस्टर युनाइटेडबीचको खेल आज हुँदैछ । यी दुई टोलीबीचको खेल लिभरपुलको घरेलु मैदान एनफिल्डमा नेपाली समयअनुसार राति पौने १ बजे हुनेछ ।
उपाधि सम्भावना कायमै राख्न लिभरपुललाई यो खेल जित्नैपर्ने दबाब छ । शीर्ष चारमा रहन युनाइटेडका लागि पनि यो खेल उत्तिकै महत्वपूर्ण छ । यही सिजनको पहिलो भेटमा लिभरपुलले युनाइटेको घरेलु मैदान ओल्ड ट्राफोर्डमा ५–० को फराकिलो जित निकालेको थियो ।
राम्रो लयमा देखिएको ऊ घरेलु मैदानको फाइदा उठाउँदै जित हात पार्ने प्रयासमा हुनेछ । पछिल्लो समय लय समात्दै गरेको युनाइटेड पनि आज जित निकाल्दै लिभरपुलको उपाधि दौडमा बाधक चाहन्छ ।
हालसम्म यी दुईले एकअर्काविरुद्ध २३६ पटक खेलेका छन् । जसमा युनाइटेडले ८९ र लिभरपुलले ७९ जित हात पारेका छन् । यी दुई टोलीबीचको ६८ खेल भने बराबरीमा सकिएको छ ।
इतिहासमा युनाइटेड बलियो देखिएको छ । तर, पछिल्लो पाँच खेलमा भने लिभरपुल हाबी देखिन्छ । पाँच खेलमा युनाइटेडले तीन खेल गुमाउँदा समान एक जित र बराबरीको नतिजा निकालेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
