स्पेनिस क्लब रियल मड्रिडका समर्थकले फ्रेन्च क्लब पेरिस सेन्ट जर्मेन (पिएसजी) का फरवार्ड केलियन एम्बाप्पेविरुद्ध नाराबाजी गरेका छन् । च्याम्पियन्स लिगको उपाधि जितेपछि आयोजित विजयी र्यालीमा समर्थकले एम्बाप्पेविरुद्ध नाराबाजी गरेका हुन् ।
डिफेन्डर तथा कप्तान मार्सेलोले भाषण गरिरहेको समयमा समर्थकले ‘केलियन एम्बाप्पे, सन अफ वीच’ भन्दै नाराबाजी गरेका थिए ।
रियलले शनिबार राति इंग्लिस क्लब लिभरपुललाई हराउँदै १४ औंपटक च्याम्पियन्स लिग उपाधि जितेको थियो । फ्रेन्च फरवार्ड एम्बाप्पे रियल नआएपछि समर्थक रिसाएका हुन् ।
रियलसँग अनुबन्धनका लागि मौखिक कुरा भए पनि एम्बाप्पेले पिएसजीसँगको सम्झौता नवीकरण गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
