युइएफए नेसन्स लिगअन्तर्गत गएरातिको खेलमा स्पेन र पोर्चुगलले बराबरी खेलेका छन् । लिग ‘ए’ अन्तर्गत समूह २ को खेलमा दुवै टोली १–१ को बराबरीमा रोकिएका हुन् ।
बेनिटो भिल्लामरिन स्टेडियमा सुरुवाती अग्रता जोगाउन नसक्दा घरेलु टोली स्पेन अंक बाँड्न बाध्य बन्यो । खेलको २५ औं मिनेटमा पाब्लो साराबियाको पासलाई सदुपयोग गर्दै अल्भारो मोराटाले स्पेनलाई सुरुवाती अग्रता दिलाएका थिए ।
८२ औं मिनेटमारिकार्डो होर्टाले गोल गर्दै पोर्चुगललाई १९१ को बराबरीमा ल्याए । उनले जाओ कान्सेलोको पासलाई सदुपयोग गरेका थिए ।
यो नतिजासँगै दुवै टोलीले एकर एक अंक जोडेका छन् । यही समूहको अर्को खेलमा चेक रिपब्लिकले स्वीट्जरल्याण्डलाई २–१ ले हराउँदै सुखद सुरुवात गर्यो ।
लिगअन्तर्गतकै अन्य खेलमा इस्टोनियाले सान मारिनोलाई २–० ले पराजित गर्दा इजरायल र आइसल्याण्ड २–२ को बराबरीमा रोकिएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
