सर्वियन स्टार नोभाक जोकोभिचले विम्बल्डन टेनिस प्रतियोगितामा विजयी सुरुवात गरेसँगै एक खास कीर्तिमान आफ्नो नाममा गराएका छन् ।
जोकोभिचले विम्बल्डनको पहिलो चरण अन्तर्गत गएराति दक्षिण कोरियाका क्वान सून वूमाथि ३–१ सेटको जित हात पारेका हुन् ।
जोकोभिचले खेल ६–३, ३–६,६–३ र ६–४ ले आफ्नो पक्षमा पारे । यो विम्बल्डनमा उनको ८० औं जित हो । यससँगै जोकोभिच चारै ग्राण्डस्लमा टेनिस प्रतियोगितामा ८० वा सो भन्दाबढी खेल जित्ने पहिलो खेलाडी बनेका छन् ।
२० पटक ग्राण्डस्लाम विजेता जोकोभिचले विम्बल्डन बाहेक युएस ओपनमा ८१, फ्रेन्च ओपनमा ८५ र अस्ट्रेलियन ओपनमा ८२ खेल जितेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।