अमेरिकाका लागि चिनियाँ राजदूत चिङ ग्याङले कांग्रेस सभामुख न्यान्सी पेलोसीको ताइवान भ्रमणको कडा विरोध गरेका छन् ।
पेलोसीको भ्रमणले चीन–अमेरिका सम्बन्धमा असर पर्ने भन्दै ग्याङले ह्वाइट गाउस नेसन सेक्युरिटी काउन्सिल र अमेरिकी विदेश मन्त्रालयमा विरोध जनाएका छन् ।
'अमेरिकी सभामुख न्यान्सी पेलोसीले आज चीनको ताइवान क्षेत्रको भ्रमण गरे । यो एक चीन सिद्धान्त र अमेरिकासँगको तीन सम्झौताको उल्लङ्घन हो,' उनले भने।
'पेलोसीको भ्रमणले चीन–अमेरिका सम्बन्धको जगमा गम्भीर परिणाम ल्याउनेछ । यो भ्रमणले चीनको सार्वभौमसत्ता र क्षेत्रीय अखण्डताको गम्भीर उल्लङ्घन हो। यसले ताइवान क्षेत्रको शान्ति र स्थिरतालाई गम्भीर रूपमा असर गर्नेछ र ताइवानको स्वतन्त्रताको रक्षा गर्ने पृथकतावादीहरूलाई हानि पुर्याउनेछ । गलत सन्देश प्राप्त हुनेछ । यो भ्रमणले धेरै नराम्रो प्रभाव पार्नेछ । चीन यसको कडा निन्दा गर्दछ ।'
चिनियाँ राजदूतले विज्ञप्तिमा अमेरिकाप्रति आफ्नो एक चीन नीति कहिल्यै परिवर्तन नहुने र “ताइवानको स्वतन्त्रता” लाई समर्थन नगर्ने बताएका छन् । अहिले अमेरिकी सरकारका शीर्ष नेताहरूको सूचीमा तेस्रो नम्बरमा आएकी न्यान्सी पेलोसी चीनलाई उक्साउन ताइवानको भ्रमणमा छिन् ।
चिङले अमेरिकाले आफ्नो वाचाबाट पछि हटेको आरोप लगाएका छन् र चेतावनीको स्वरमा भनेका छन्, ‘आगोसँग खेल्नेहरू आफैँ जल्छन् ।’ चीनले अमेरिकाले यसलाई नियन्त्रण गर्न ‘ताइवान कार्ड’ प्रयोग गर्न बन्द गरेर तत्काल आफ्नो ‘गल्ती’ सच्याउनुपर्ने बताएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
