नेकपा एमालेका सचिव गोकर्ण विष्टले पछिल्लो समय सभामुख, राष्ट्रपतिलगायतका पदको आश गरेको नेपाली कांग्रेसले अब मुख मिठ्याउनुको अर्थ नभएको टिप्पणी गरेका छन् ।
उनले सत्ता साझेदार दलहरुबीच यसअघि नै पदहरुको बाँडफाँट भएकाले कांग्रेसले मुख मिठ्याउनुको अर्थ नभएको बताएका हुन् ।
कांग्रेसले प्रधानमन्त्रीलाई विश्वासको मत दिएको आधारमा विभिन्न पदहरुमा आशा राख्नु गलत भएको र यसले राष्ट्रपति तथा सभामुखलगायतका निर्वाचनमा कुनै प्रभाव नपर्ने पनि उनले दाबी गरेका छन् ।
‘सत्तासाझेदर दलहरूबीच भएको सहमतिमा हामी विश्वस्त छौँ, त्यसमा तलमाथी हुने सम्भावना म देख्दिनँ,’ उनले भनेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।