इटालियन सिरी ‘ए’ फुटबलमा इन्टर मिलानले उत्कृष्ट पुनरागमन जित निकालेको छ । गएराति सम्पन्न खेलमा उसले क्रेमोनीजविरुद्ध २–१ को जित निकालेको हो ।
मिलानको जितमा लाउटरो मार्टिनेज नायक सावित भए । मिलान ११ मिनेटमै १–० ले पछि परेको थियो । ११ औं मिनेटमा डेभिड ओक्रेरेकेले गोल गर्दै क्रेमोनीजलाई सुरुआती अग्रता दिलाएका थिए । तर, उसको अग्रता लामो समयसम्म टिक्न सकेन ।
२१ औं मिनेटमा मिलानका मार्टिनेजले गोल गरेपछि खेल १–१ को बराबरीमा आयो । खेलको ६५ औं मिनेटमा मार्टिनेजले व्यक्तिगत दोस्रो गोल गर्दै इन्टरलाई २–१ को जित दिलाए ।
योसँगै इन्टर दोस्रो स्थानमा उक्लिएको छ । उनले २० खेलमा ४० अंक जोडेको छ । पुछारमा रहेको क्रेमोनिले ८ अंक जोडेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
