प्रधानमन्त्री पुष्पकमल दाहाल ‘प्रचण्ड’ले राष्ट्रपतिको निर्वाचनका लागि सर्वदलीय बैठक बोलाउने तयारी गरेका छन्।
राष्ट्रपतिको उम्मेदवारी मनोनयनको दुई दिनअघि सर्वदलीय छलफल बोलाउने तयारी भएको प्रधानमन्त्रीको सचिवालयले जनाएको छ ।
राष्ट्रपतिका लागि संसद्को ठूलो दल नेपाली कांग्रेस र सत्तारुढ प्रमुख घटक एमालेको आ–आफ्नै दाबी छ । यता, माओवादी अध्यक्षसमेत रहेका प्रधानमन्त्री पुष्पकमल दाहाल प्रचण्डले भने राष्ट्रपति राष्ट्रिय सहमतिमा चयन गरिने बताउँदै आएका छन् ।
एमालेबाट राष्ट्रपतिमा सुवास नेम्वाङ, डोरमणि पौडेल, विष्णु रिमाललगायतको चर्चा छ । कांग्रेसमा भने रामचन्द्र पौडेल र कृष्ण सिटौला चर्चामा छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।