बैतडीका एक वडा अध्यक्ष माथि कुटपिट भएको छ । जिल्लाको मेलौली नगरपालिका–१ का वडा अध्यक्ष शरद सिंह नेगीमाथी कुटपिट भएको हो ।
वडाअध्यक्ष नेगीमाथी सोही वडा कार्यालयमा कार्यरत कार्यालय सहयोगी ४२ वर्षीय जनार्दन नेगी र उनका छोरा २३ वर्षीय पारस नेगीले कुटपिट गरेको बताइएको छ ।
बिहीबार राती वडा नं. १ को जेरो पोइन्टमा रहेको बजारको एक पसलमा बुवाछोरा मिलेर वडाअध्यक्ष कुटेका हुन् । कुटपिट गर्दा सामान जोख्ने ढक प्रयोग गरेको खुलेको छ ।
कुटपिटबाट वडा अध्यक्ष नेगीका चार वटा दाँत भाँचिएका छन् । कुटपिट गर्ने बुवाछोरालाई नियन्त्रणमा लिएको जिल्ला प्रहरी कार्यालय बैतडीले जनाएको छ ।
वडाअध्यक्ष नेगीलाई उपचारको लागि डडेल्धुरा अस्पताल पठाइएको छ । वडाकै विषयमा विवाद हुँदा झडप भएको र घटनाबारे थप अनुसन्धान भइरहेको प्रहरीले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
