बालुवाटारको एक घरमा माओवादी केन्द्रका नेता वर्षमान पुनकी आमा माथि गोली प्रहार भएको छ । गोली चलाउने व्यक्ति भीआईपी सुरक्षामा खटिएका प्रहरी हवल्दार रहेको पाइएको छ ।
गोली प्रहार गर्ने प्रहरीका हवल्दार प्रकाश पुन मगर रहेको र उनलाई प्रहरी प्रधान कार्यालयमा लगेर अनुसन्धान भइरहेको प्रहरी स्रोतले जनाएको छ ।
हवल्दार मगरले चलाएको गोली लागेर नेता पुनकी आमा ७४ वर्षीय तीर्थमाली पुन घाइते भएकी छन् । उनको खुट्टामा गोली लागेको र अहिले ट्रमा सेन्टरमा उपचार भइरहेको जनाइएको छ ।
प्रधान न्यायाधीशको सुरक्षा टिममा कार्यरत प्रकाशले गए राति १० बजेतिर गोली चलाएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
