लुम्बिनी प्रदेशको मुख्यमन्त्रीमा नेपाली कांग्रेसका नेता डिल्लीबहादुर चौधरी नियुक्त भएका छन्। नेपाली कांग्रेस लुम्बिनी प्रदेशका संसदीय दलका नेता चौधरीलाई बिहीबार प्रदेश प्रमुख अमिक शेरचनले मुख्यमन्त्रीमा नियुक्त गरेका हुन् ।
चौधरीलाई नेपालको संविधानको धारा १६८ को उपधारा (२) बमोजिम प्रदेशका मुख्यमन्त्रीमा नियुक्त गरेको प्रदेश प्रमुखको कार्यालयका प्रवक्ता ऋषिराम पन्थीले जानकारी दिए।
प्रदेश प्रमुख शेरचनले आज ४ बजेसम्म समयसीमा तोकेर सरकार गठनका लागि दाबी पेस गर्न आह्वान गरेका थिए। तोकिएको समयभित्र चौधरीको एकल दाबी परेको थियो ।
चौधरीले प्रदेशसभामा प्रतिनिधित्व गर्ने आठ राजनीतिक दल र स्वतन्त्र प्रदेशसभा सदस्य समेत गरी जम्मा ५३ जना प्रदेशसभाका सदस्यको समर्थनमा हस्ताक्षरसहित दाबी पेस गरेका थिए।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
