घाँस काट्न जाँदा खोलाले बगाएर बेपत्ता भएका सिन्धुलीको हरिहरपुरगढी गाउँपालिका–६ रागेचुरीका आमाछोराको शव फेला परेको छ ।
प्रहरीका अनुसार घाँसको भारी लिएर घर फर्कंदै गर्दा स्थानीय खड्कुले खोला पार गर्ने क्रममा तीन दिनअघि बगाएर बेपत्ता भएका छोरा २८ वर्षीय राजकुमार गोलेको शव हरिहरपुरगढी गाउँपालिका–६ को क्यानखोला र खड्कुले खोलाको दोभानमा फेला परेको हो ।
५७ वर्षीया आमा मायाकुमारी गोलेको शव भने रौतहटको बागमती किनारमा आइतबार बिहान फेला परेको छ । ती आमाछोरा स्थानीय ब्रह्मठाकुर सामुदायिक वनको जंगलमा घाँस काटेर फर्किंदा खोलाले बगाएर बेपत्ता भएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
