सरकारले, तेजाब तथा अन्य घातक रासायनिक पदार्थ (नियमन) नियमावली,२०८० स्वीकृत गरेको छ । आज बसेको मन्त्रिपरिषद्को बैठकले तेजाब तथा अन्य घातक रासायनिक पदार्थ (नियमन) नियमावली, २०८० स्वीकृत गरेको सरकारकी प्रवक्ता रेखा शर्माले जानकारी दिइन् ।
उनले भनिन्,‘आज बसेको मन्त्रिपरिषद्को बैठकमा तेजावतथाअन्य घातक रासायनिकपदार्थ (नियमन) नियमावली,२०८० लाई स्वीकृत गर्ने निणर्य भएको छ ।’
साथै बैठकले चिकित्सा शिक्षा आयोगको उपाध्यक्ष पदमा प्रा.डा. अञ्जनीकुमार झालाई नियुक्त गर्ने निर्णय गरेको छ ।
साथै बैठकले संघीय निजामति सेवाको गठन, सञ्चालन र सेवाको सर्तसम्बन्धी विधेयक, २०८० लाई संघीय संसदमा पेस गर्ने निर्णय गरेको छ ।
मन्त्रिपरिषद् बैठकले निजामती सेवाका ४० जना कर्मचारीलाई पुरस्कृत गर्ने निर्णय गरेको छ । त्यसैगरी, स्वास्थ्य क्षेत्रको लैंगिक समानता तथा सामाजिक समावेशीकरण रणनीति, २०८० स्वीकृत गर्ने निर्णय पनि गरेको छ ।
आजको मन्त्रिपरिषद् बैठकले पाँचवटा निणर्यहरु गरेको प्रवक्ता शर्माले जानकारी दिइन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।