राज्य व्यवस्था तथा सुशासन समितिका सभापति रामहरि खतिवडाले देशमा सुशासनको अवस्था कमजोर भएको बताएका छन् ।
विश्व आत्महत्या रोकथाम दिवसको अवसरमा आइतबार काठमाडौंमा आयोजित कार्यक्रममा उनले जनताले सरकारबाट अपेक्षा गरेजस्तो काम गर्न नसकेको बताएका हुन् ।
‘देशमा सुशासनको अवस्था कमजोर छ । सरकार बनेकोमा मान्छेहरुले ठूलो आकांक्षा राखेका छन् । त्यो अपेक्षाअनुसारको काम गर्न सकेको छैनौँ । सरकारले पनि गर्न सकेको छैन । जहिले पनि राजनीतिक पार्टीहरु एक आपसको मुद्दामा आफैँ झगडा गरेर मात्र बस्ने, जनतालाई दिन नसक्ने पद्धतिले जनतामा निराशा उत्पन्न गरेको छ ।’
आत्महत्यालाई नियन्त्रण गर्नका लागि सरकारी स्तरबाट मात्रै नभई सबै क्षेत्रबाट नयाँ आयामको खोजी हुनुपर्ने उनले बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
