इन्जिनियरिङ अध्ययन संस्थान विद्यार्थीलाई जिम्मा लगाउने विभागीय प्रमुखहरूको कदमप्रति अखिल (क्रान्तिकारी) का उपाध्यक्ष जीपी मैनालीले आपत्ति जनाएका छन ।
मंगलबार पुल्चोक क्याम्पसका ६ जना विभागीय प्रमुखले विज्ञप्ति जारी गर्दै विद्यार्थी संगठनहरूलाई क्याम्पस सञ्चालन गर्न दिने निर्णयको उपाध्यक्ष मैनालीले प्रतिवाद गरेका हुन् । उनले प्राध्यापकहरूको हैसियत र सोचमाथि पनि प्रश्न उठाएका छन् ।
मैनालीले पुल्चोक मुख्यालयका ठूला ठूला कुर्सीमा बस्ने प्राध्यापकहरूलाई लाज ढाक्न आग्रह समेत गरेका छन । उनले प्रतिष्ठित अध्ययन संस्थान नै बदनाम हुने खालका क्रियाकलाप नगर्न आग्रह गरेका छन् ।
‘गैर जिम्मेवारीपनले हद पार गर्न लागेन र ?,’ मैनालीले प्रश्न गरेका छन् । शुल्क वृद्धिसँग सम्बन्धी विवादमा अल्झिएको आइओईले समयमा प्रवेश परीक्षा सञ्चालन गर्न नसक्दा करिब १५ हजारभन्दा बढी विद्यार्थी मर्कामा परेको उनको भनाइ छ ।
विश्वविद्यालय तथा शैक्षिक संस्थाहरू यस्तै हबिगत र मुलुकमा शैक्षिक वातावरण नभएका कारण विद्यार्थी विदेशी विश्वविद्यालयमा जान बाध्य भएको मैनालीको बुझाइ छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
