इजरायलस्थित नेपाली राजदूतावासले इजरायलको गाजापट्टीलगायत क्षेत्रमा हाल द्वन्द्व चलिरहेको भन्दै आफ्नो सुरक्षाको ख्याल राख्न त्यहाँका नेपाली समुदायमा आग्रह गरेको छ ।
दूतावासले शनिबार अपिल गर्दै भनेको छ– अशान्त वातावरणमा आफ्नो सुरक्षाको ख्याल राख्नुहुन र स्थानीय सुरक्षा निकायको निर्देशन अक्षरशः पालना गर्नुहुन सबै नेपाली समुदायमा अनुरोध छ ।’
अप्ठ्यारो परेका नेपाली नागरिकको सहयोग र उद्धारका लागि दूतावासले इजरायलका अधिकारीहरूसँग निरन्तर समन्वय गरिरहेको जनाइएको छ ।
अपिलमा भनिएको छ,‘अप्ठ्यारो परिस्थिति छ, हामी सबै त्रसित छौँ । तर, पनि यसको नकारात्मक सन्देश जाने गरी सोसल मिडियाहरूमा सेयर गरेर अरूलाई त्रसित र प्यानिक नगराउनुहोला ।’
इजरायलमा रहेका नेपालीका लागि दूतावासले सम्पर्क नम्बर पनि उपलब्ध गराएको छ । दूतावासका प्रथम सचिव अर्जुन घिमिरेलाई ०५२८२८९३०० र सहचारी सञ्जयकुमार साहलाई ०५४–५५८२०७७ मा सम्पर्क गर्न सकिने जनाइएको छ ।
प्यालेस्टाइनको सुन्नी–इस्लामिक कट्टरपन्थी संगठन हमासले शनिबार मध्य र दक्षिण इजरायलमा गरेको रकेट आक्रमणका क्रममा अहिलेसम्म ४० को मृत्यु भएको, हजारौँ घाइते भएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
