अफगानिस्तानको हेरात प्रान्तमा विनाशकारी भूकम्पबाट विस्थापितले अमेरिकाले अफगानिस्तानको सम्पत्ति रोकेकाले भूकम्पपछिको पुनः निर्माणमा असर परेको बताएका छन् ।
विस्थापित एक बासिन्दा मोहम्मद दाउदले अहिले आफूहरू ६ जना परिवारको साथमा खुला मैदानमा बास बस्नु परिरहेको बताए । भूकम्प सकिए पनि जीवनकोे आशा गुमेको अर्का एक बासिन्दाको भनाइ छ ।
आफ्नो जीवनलाई निरन्तरता दिन सक्ने की नसक्ने भन्ने डर रहेको दाउदले बताए । हेरात प्रान्तीय सरकारका प्रवक्ता निसार अहमद इलियासले अमेरिकाले अफगानिस्तानको सम्पत्ति रोकेकाले पीडितको उद्धार गर्न असहज भइरहेको बताए ।
प्रतिबन्धले शतप्रतिशत नकारात्मक असर परेको उनको भनाइ छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
