आइसिसी टी २० विश्वकप एसिया क्वालिफायरमा उपविजेता बनेर विश्वकप टी २० मा चयन हुन सफल नेपाल क्रिकेट टिमलाई नेपाल क्रिकेट संघ (क्यान)ले ५० लाख रुपैयाँ दिने भएको छ । क्यानको सोमबार बसेको कार्यसमितिको बैठकले सो निर्णय गरेको हो ।
आठ राष्ट्र सहभागी एसिया छनोट प्रतियोगिताको फाइनलमा पुगेर नेपाल र ओमान सन् २०२४ मा हुने टी–२० विश्वकपमा चयन भएका थिए ।
विश्वकप टी–२० अर्को वर्ष अमेरिका र वेस्ट इन्डिजमा हुँदै छ । नेपालले सन् २०१४ पछि टी–२० विश्वकप खेल्दै छ ।
त्यस्तै क्यानले हालै मलेसियामा सम्पन्न एसिसी पुरुष यु–१९ क्रिकेट प्रिमियर कप क्रिकेट प्रतियोगितामा च्याम्पियन हुने नेपाल टिमका सम्पूर्ण सदस्यलाई पनि प्रोत्साहन स्वरुप जनही ५० हजार रुपियाँले पुरस्कृत गर्ने निर्णय गरेको छ । नेपालको यु १९ टिम च्याम्पियन भएर यु १९ एसिया कपमा चयन हुन सफल भएको थियो ।
यसैगरी, क्यानले आइसिसी टी २० विश्वकप एसिया क्वालिफायरको फपाइनलमा विक्री भएको टिकटबाट संकलित कूल रकमको ५० प्रतिशत जाजरकोटमा गएको भूकम्पबाट पीडितहरुको उद्धारका लाग सहयोगस्वरुप उपलब्ध गराउने निर्णय पनि गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।