पछिल्लो समय नेपालसहित विभिन्न देशका विद्यार्थी तथा नागरिकहरूको आकर्षक गन्तव्यको रूपमा रहेको क्यानडाले आप्रवासन नीतिमा कडाइ गर्ने संकेत गरेको छ । पछिल्लो समय क्यानडामा बढ्दो बेरोजगारी र आवास संकट चुलिँदै गएको छ ।
त्यहाँका अध्यागमन मन्त्री मार्क मिलरले आउँदो केही महिनामा उनले देशमा बस्ने अन्तर्राष्ट्रिय विद्यार्थीहरूको संख्यामा सीमा लगाउने सम्भावनाबारे छलफल भइरहेको बताएका छन् । विद्यार्थीहरूको संख्याको सन्दर्भमा अहिलेको संख्या चिन्ताजनक रहेको पनि बताए ।
अहिले नियन्त्रण बाहिर गएको बताउँदै मिलरले यस वर्षको पहिलो र दोस्रो त्रैमासिकमा आवासको माग घटाउन मद्दत गर्न अन्तर्राष्ट्रिय विद्यार्थीहरूमा सीमा तोक्ने सम्भावनाबारे विचार गर्ने बताएका हुन् ।
मिलरले विभिन्न प्रान्तमा व्यक्तिगत शैक्षिक संस्थाले के गरिरहेका छन् भन्ने कुरालाई अलि गम्भीरताका साथ हेर्नु अघि सङ्घीय तहमा सङ्ख्या मिलाउन आवश्यक रहेको पनि बताए । क्यानडामा आउने अन्तर्राष्ट्रिय विद्यार्थीहरूको संख्या संघीय सरकारले निर्माण गर्न मद्दत गर्ने घरहरूको संख्या भन्दा धेरै छ ।
संघीय सरकारले स्थायी र अस्थायी दुवै बढ्दो संख्यामा आप्रवासीहरूलाई स्वागत गरेकोमा आलोचनाको सामना गर्नु परेको छ । जबकि देशले गम्भीर आवास अभावको सामना गरिरहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
